U varmu d'amori

U varmu d’amori

L’amori hè cum’un varmu sulitariu

Prima, ùn capite micca ciò chì si passa

U vostru corpu si mette ind’un statu pricariu

Cosa sarà sta perdita d’energia, una tassa ?

Eppò vi piglia à i stintini

Vi trascina tal’un cataveru in tarra

Vi pizzica cum’è centu zini

L’emuzioni pà issa parona cara

Ma l’amori face cum’un varmu sulitariu

Prima, si ghjoca cù a bocca

Sicondu, u cumpurtamentu hè variu

Terzu, u corpu sempri si tocca

Eppò ghjunghje u mumentu di a custipazioni

Aprite l’ochja è capite subbitu

Eccu ghjunta l’ora di l’ultimi azzioni

L’abbanduneti è ùn steti più rittu

Varmu è amori

I duii insemi

Malafurtuna

Ringraziemu à Stefanu chì, dopu à avelli muntà a seca, ci hà rigalatu di issu maravigliosu puema.